مين

تصور حياته معها بتزين…. وبحنانها بتمحي كل ألم وأنين.

رسم حياة وخطط لسنين…. توقعها تساعده وتغير طبعه الحزين.

تمسك أيده وتدله طريق اليقين…. تفاجئ بها تجرح قلبه المسكين.

ﻻجاء منها ﻻحب وﻻ قلب وﻻ حنين…. كلها قسوة تسقيها عتب وظنين.

كﻻمها شوك يجرح العاشقين… ليت الزمان يعود والذكرى الطيبة تبين.

كنتي مثل الوردة بعطرك تسحرين… ﻻكن في شرورك مافي احد الحين.

تظهرين المحبة وبداخلك الحقد تكتمين… تكذبين والمشكلة الي حولك مصدقين.

اﻷيام تمضي ونتي بظلمك ماتحسين….. ياحسرة ايامي معك ياحسرة السنين.

تخافي من كﻻم الناس ومن ربك ماتخافين…. جنونك ما أثر فيني مهما تتدعين.

خسرتي حد (ن) مغليك غﻻة العين…. صارت مكانتك عند الناس بين التراب والطين.

علي الشهاب

 

ضعنا

ضعنا والهم ضاع فينا. ضعنا وضاعت امانينا

للدنيا كل شئ عطينا. وهي خذت وماتجازينا

تعبنا ندور الفرح ومالقينا. نرجع للحزن مهما سرينا

تمسكنا بالامل عسى الخير يجينا. وصارحنا الاحزان مانبيها لاكنها تبينا

تذكرين يالغلا يوم تلاقينا. كنتي مثل الشمعة تنورينا

شوفي من بعادك الدنيا اظلمت علينا. ماعاد في نور(ن) يضوي خطاوينا

وقت فراقكم عنا ما نسينا. نذكركم لاكن نمثل انا نسينا.

نذكر الماضي ومشاعرنا تبكينا. نقول خيرة ومثل ماربي خذك يعطينا

عسى ربي على بعادكم يقوينا. وعلى ماجانا منكم يجازينا

وضعنا وضاع الهم فينا. ضعنا وضاعت امانينا.

 

أكتب

اكتب الي تبيه وعبر عن هالمشاعر
وشفايدة الكتمان وماحد(ن) شاعر.

طول وقتك للمصايب صابر
وطول وقتك حامد(ن) ربك وشاكر.

ان اخطى في حقك شخص قلت عابر
وان اخطيت في حق غيرك تبت للغافر.

ياأحزان تعبت كل ليلة معك ساهر
اكتب مكاتيب وارسلها مع الطائر.

لعله يوصلها ويفهم الحاير
أترك عنك الشقا والتكابر.

هذه حياتك ترسمها بنفسك ونت قادر
ياتخليها مستقيمة او ترسمها دوائر.

فكرت تأملت واخترت الرحيل هاجر
منت على الوفا والعرفان جابر.

ولاتظن على هجرك عاذر
هذا طريق (ن) اخترته ونت خاسر.

الوقت يمضي ونت في عيني صاغر
يزيد الوقت ويزيد قلبي النافر.

للأسف مابقى في الدنيا قلب(ن) طاهر
وتغيرت انفوسنا ومابقت غير المظاهر.
علي الشهاب

 

عيرتني

عيرتني بالمرض وهو أبتلاء …… من الله وصبرا وأختبار.

وزادت على قلبي العناء ….. وظنت بفعلها قامت بالأتنصار.

وبدل أن تضيف الحنان زادت الجفاء …. ولم تعطي للماضي اي أعتبار.

بكيت وبكيت حتى سالت الدماء ….. ولا يوجد من يمحي دموع الأحرار.

خدعت ولم أجد بقربها أي وفاء … مشاعري لم تجد حلا سوا الأنتحار.

لتمحي ماضيا وتبين الحق من العداء …. ياوردة تحمل الكثير من الشوك والدمار.

مرض الجسم ليس عيبا بقدر مرض العقل والغباء …. الفرق هنا الأول يجلب الأحترام والثاني بجلب الأحتقار.

تساقطت أوراق الأشجار ألما وأختفى الظل عن الفقراء …. وأنطفأت شموع الأمل وتهاطلت الأمطار.

عتبي على دمع سقط منهمرا بلا حياء …. حرقتا على شخص لايكتم الأسرار.

الشمس غابت خجلا وأستياء ….. والقمر أستاء من تشبيهكي به وأنهار.

وسلامتكم علي الشهاب

 

خاطرة شموع

انطفت كل الشموع…….. وتساقطت أوراق ودموع.
ونمحى خط الرجوع……. ونا من فرقاك ميت جزوع.
كسرتي من قلبي أغصان وفروع….. ورجعت ارمم قلبي الموجوع.
خليتني للبعد والشقا خضوع….. أصرخ ومحد ن لاهاتي سموع.

 

عيد الحب

يوم الحب وش معناه … انا اخبر الحب في كل يوم.

طيب والهم والحزن مأ زحناه … كم ليلة(ن) سهرت معي دعمتي موقادر انوم.

والشوق والفرقة معاناه… الى متى بتضل في قلبي هموم.

وانتي والليل بينكم شئ(ن) مافهمناه… الي فهمته شئ (ن) في قلب كل محروم .

تذكرين الورد الي شريناه… ماكان يوم حب ولا يوم(ن) معلوم.

كان من ايام الحب وعشناه… بعدها تغيرت معي وصرت تلوم.

تلومني على حبك نسيت الوعد الي وعدناه… نسيت حبي لك وحولت سماي الصافية الى غيوم.

وينه وينه القلب الي عرفناه… خان وصار عنا يهوم.

طيب وش ذنبنا ماخناه… ذنبنا في دنيا كلها شر وسموم.

لاتقولوا ذنبنا مافهمناه… ذنبنا سكتنا وهذا جزا المظلوم.

في شئ ماعلمناه… ماني على الصد بكتوم.

ياتجي بطيب ولا حبك رفضناه… لاتنسى مافي هالدنيا شئ(ن) يدوم.

 

سنتين

 

توقعت

 

معتوه…(شعر مسموع)

 

معتوه…

مسكين يلي بالغرام كنت معتوه …القلب خان العقل وصورك ورده من بساتين الورود.

ليتكم ياناس في الأصل والكرامة تعلموه … تراه يفتقر شئ(ن) أسمه وفا وعهود.

قابلني بوجه ومن خلفي وجوه … الا يالليلة(ن) ليتك مانكتبتي ولاكان في شهود.

كنت مضيت في دربي أدور حبيب(ن)أهله في جماله ماقدروا يوصفوه … لا ضميتها ريحها
وطيبها لأنفاسي يعود.

أنتهى مشواري معك لحد(ن) يقول كلم أمه أو أبوه … ومثل ماقال كثير من الناس وصلنا طريق مسدود.

يأبيات تسطري على لوح(ن) وفهمي الناس شئ مافهموه … أنا ماني بظلام ولا أنسان حقود.

أنا راية الحق في حب(ن) الكثير يجهلوه … أنا مشاعر(ن) ترسل احاسيس ماتتحمل صدود.

ياصغير(ن) على الحب ظلمت قلب(ن) وقلت بدلوه … وبكره تلقى غيري تقود.

بكره الناس من سيرته يهملوه … يبكي في زاوية(ن) وصوته بالحزن مشدود.

خلاص ياقلبي وأحاسيسي هالمخلوق أنسوه … مابقى له في هالدنيا لاذكر ولا وجود.